මැණික් ජයසේකර (අමතක වෙලා යන ලස්සන ගීත )

 

ඕනෑම ගීත ඛණ්ඩයක කෙනෙකුගේ ජිවිතේ කොතැනක හෝ මතකයක් ගැබ්ව ඇති බව රවේන්ද්‍රනාත් තාගෝර් පඩිතුමා වරක් පවසා තිබෙනවා.එක එහෙම වෙන්න ඇති මට හොදට මතකයි කුඩා කල උදේ පාන්දර ගුවන් විදුලියෙන් ඇසු සමහර ගීත අද ඇසෙන විත මගේ ඒ කුඩා අවදිය මතක් වෙනවා.ඒ අහපු එක සින්දුවක් මම වසර ගානක් හෙව්වා.අහම්බෙන් මේ ලදී ඒ ගායිකාව කව්ද කියල දැනගත්තේ.නමින් ඇය ,මැණික් ජයසේකර.ගොඩක් දෙනා අහල ඇති අමරසිරි පිරිස් මහතා ගයන ....
"ස්නෙහයේ නගරයයි සිත මගේ 
මාවතක් හෝ නොවූ රාගයේ..
වන්දනාවේ ගිහින් ඉන්න අසයි මටත්....."
ඇය තමයි මැණික් ජයසේකර. කුඩා කල අහපු එක ගීතයක් තමයි එකල ගුවන් විදුලියෙන් ඇසුණු මණික විසින් කියන "බිගු රෑන වගේ මල් යායට.."කියන ගීතය.බලන්න මේ පද මාලාව.ඉතාම සරලයි.කලාතුරකින් ඇසෙන මිහිරි ගීතයක්
"බිගු රෑන වගේ මල් යායට..
පහන වගේ හැන්දෑවට..
නුඹ නැතිදා මගේ හිත පාළුයි..

යන්න එපා මම හරි යාළුයි...
තවත් ගීතයක් එකල ඇහුනා ඒ තමයි..
"උදා ගිරෙන් හිරු දෙවි ගමට් අවදිනවා
හිබුටු කැලෙන් රැහැයි නලා හඩ පැතිරෙනවා
ගුරු පාරේ සෝඩි ටිකිරි දෙපා ඇදෙනවා
පා රිදුනට පමා නොවී අකුරට යනවා.."

මේ ගීත කුඩා කල සැතපුම් ගණන් පයින් පාසල් ගිය කාලය අමතක් වෙනවා.මුසාවක් නෙමෙයි පුංචි පැදුරේ නිදාගෙන උදෙන්ම නැගිටින කොට එදා ඇසුණු මේ ගීත අවසනාවක අද ඇහෙන්නේ නැ.අද මේ ගීත ඇසෙන කොට ඒ කුඩා කලේ මතක් වෙනවා.මන් හිතන්නේ ඒකතමයි ගීතයේ සාර්ථකත්වය.මේ විශිෂ්ට ගීත අවාසනාවකට අද ඇහෙන්නේ නැ.මැණික් තවත් අපුරු ගීතයක් ගයනාව ඒ Dr.W.A. අබේසින්හ රචනා කරපු සරුංගලේ මා නමැති ගීතය.සංගීතය ප්‍රේමසිරි කේමදසයන්ගෙන්.
"සරුංගලේ මා...
පියබා යනවා
දෙරණ මතින් දෙරණ මතින්...
මායිම් නැති නිල ආකාසේ
මායිම් ඇති නියර මතින්
කුමාර කුමරියන් අතින් මි"
අන්තර්ජාලය පුරාවට මැණික් ජයසේකර නම් අපුරු ශිල්පිනියගේ ගේ පින්තුරයක් සොයාගැනීමට සැරි සැරුවත් සාර්ථක වුනේ නැ .අහම්බෙන් රුපවාහිනියේ එකල විකාශය වූ මනෝහාරී සංගීත වැඩසටහනේ ගීතයක් හමු වුණා.ඔව් ඒ ගායිකාව බලාගත්තේ ඒ ගීතයෙන්.අද දවසේ ගොන් පාර්ට් දාන හිතවත් නිවේදක උත්තමන්ලා මේ ගීත ගැන නොදන්නවා ඇති.වටත් නියරත් ගොයම් කානම් කාට පවසම් ඒ අමාරුව.
මැණික් ජයසේකර සැබවින්ම ඔබ විශිෂ්ට ගායිකාවක්.
මැණික් ජයසේකර ගැන හා ඇගේ ගීත ගැන මට හිතුන හැටි.
මනෝජ් රත්නායක